Claonadh

I rith lár an 20ú hAois, nuair a thosaigh daonra Chlaonta ag fás ó bhunáit de thart ar 500 duine, tháinig méadú bruachbhailte chun cinn le forbairt imeallach ar Bhóithre na Corrchoille, Bhaile na Gappa agus Chill Choca, agus idir Bóthar Chill Droichid agus an Life. Tá daonra an bhaile níos mó ná 7,000 (daonáireamh 2016) anois agus tá gá le pleanáil le haghaidh fás inbhuanaithe Chlaonta.

Tá dlúthchroílár líneach ag an mbaile feadh na Príomhshráide, le forbairt chónaithe ag síneadh amach ó thuaidh, soir agus siar, agus roinnt forbairt miondíola agus tráchtála níos déanaí ar imeall lár an bhaile. Coinníonn lár baile Chlaonta mothú láidir stairiúil agus cuimsíonn sé tairiscint miondíola ilghnéitheach de thrádálaithe neamhspleácha, suíomh tarraingteach srutháin agus clós súgartha ag Faiche an Aonaigh, agus sócmhainní oidhreachta láidre lena n-áirítear an Life, an Mhainistir agus Eaglais Phádraig agus Bhríde. Tá ionaid Phobail agus Oideachais ar an mbaile, lena n-áirítear scoileanna agus Ospidéal Ginearálta Chlaonta, cnuasaithe ar Bhóthar na Corrchoille, agus tá úsáidí fiontraíochta don gheilleagar áitiúil ag Páirc Ghnó Chlaonta freisin.

Le linn fhorbairt an phlean Thús Áite do Lár an Bhaile, spreagadh rannpháirtíocht an phobail go láidir ag gach céim den phróiseas. Leanann pobal Chlaonta agus a bhFoireann Baile, a dhéanann ionadaíocht ar phríomhghrúpaí pobail, de bheith ag obair go dlúth leis an Údarás Áitiúil agus leis an oifigeach Athbheochana Bailte ar chríochnú a bplean dóibh. Tá siad ag súil le plean Thús Áite do Lár an Bhaile a chur i láthair a fheidhmeoidh mar chreat do thodhchaí bhríomhar Chlaonta agus dá phobal.